पत्रकार महासंघ एसोसिएट प्रदेश अध्यक्षमा बैकुण्ठराज पराजुली विजयी
नेपाल पत्रकार महासंघको एसोसिएट प्रदेशको अध्यक्षमा फिल्मीनेपाल डटकमका सम्पादक बैकुण्ठराज पराजुली विजयी भएका छन् । गत बुधबार सम्पन्न निर्वाचनका चलचित्र पत्रकार पराजुलीले ३ सय ९९ मतसहित विजय हासिल गरेका हुन् । उनका प्रतिद्वन्दी डीबी खड्काको पक्षमा २ सय ७५ मत खसेको थियो ।
महासंघमा एसोसिएट प्रदेशनले १२ वटा एशोसिएट संस्थाहरुको प्रतिनिधित्व गर्छ । एसोसिएट अन्तर्गतका अन्य ११ संस्थाले चलचित्र पत्रकार संघलाई एशोसिएट प्रदेशको अध्यक्ष छाडेका थिए । प्रदेश अध्यक्षमा विजयी हासिल गरेका पराजुली चलचित्र पत्रकार संघका पूर्व सचिव हुन् । निर्वाचित भएपछि अध्यक्ष पराजुलीले १२ वटै एसोसिएट संस्थाको मुद्धा लिएर महासंघमा जाने र समस्या समाधानका लागि प्रयास गर्ने बताए । विधागत पत्रकारिताको अभ्यासलाई मुर्त र स्थापित गराउने उनको लक्ष्य छ ।
एसोसिएट प्रदेशको अध्यक्ष बाहेक बाँकी सम्पूर्ण पद निर्विरोध निर्वाचित भएका थिए । उपाध्यक्षमा श्रीहरी थापा, महिला उपाध्यक्षमा पबित्रा मुडभरी, महासचिवमा रोयल आचार्य, सचिवमा धर्मेन्द्र ओझा, सचिव समाावेशीमा योगेश खपाङ्गी, कोषाध्यक्ष डा. ध्रुव कुमार तुलाधर चयन भएका छन् ।
