वेब सिरिज ‘एरर्स अफ गड’ फर्स्टलुक आउट

वेब सिरिज ‘ईओजी (Errors of God)’ को फर्स्टलुक पोस्टर सार्वजनिक गरिएको छ । रङ्गमञ्चका थुप्रै कलाकारहरुको अभिनय रहेको सिरिजले धर्म र वास्तविक संसारको फ्युजन बोल्नेछ ।

कलासी प्रोडक्सनको निर्माणमा प्रकु पाण्डेले निर्देशन गरेको यस सिरिजमा आफ्नो सबै शक्ति गुमाएर पृथ्वीलोकमा साधारण मानिसको रुपमा आएका भगवानहरुको कथालाई मनोरन्जनात्मक ढंगले प्रस्तुत गरिएको निर्माण टिमले बताएको छ । संगीत सापकोटाको लेखन रहेको यस सिरिजलाई सगुन पोख्रेलले निर्माण गरेकी हुन् ।

विकाश जोशी, राज न्यौपाने, घनश्याम जोशी, ममता लामिछाने, सुचित्रा उप्रेती, युनिसा ढुंगाना ‘सरिता’ को साथमा भोलाराज सापकोटा, विजय बराल, कमलमणि नेपाल, प्रतिक दुलाल, अस्मिता खनाल लगायत रङ्गमञ्चका पचास बढि कलाकारहरुको अभिनय रहेको सिरिजमा क्राइसिस ज्याक (कृष्ण) को छायांकन, रोमी मोसेस तन्डुकारको सम्पादन र शक्ति राईको कला निर्देशन छ ।