नेफ्टा अवार्डः विपिन र मेनुका उत्कृष्ट, फिल्ममा छक्का पञ्जा ३ को वर्चस्व (विजेताको सुचिसहित)

नेपाल चलचित्र प्राविधिक संघ र ड्रिम हाइ नेपालको आयोजनामा शनिबार राजधानीमा ‘१० औं नेफ्टा अवार्ड २०७७’ सम्पन्न भएको छ । सम्माननिय उपराष्ट्रपति नन्दकिशोर पुनः को प्रमुख आतिथ्यतामा सम्पन्न कार्यक्रममा बर्ष २०७५ भरी प्रदर्शनमा आएका मध्येबाट उत्कृष्ट विभिन्न फिल्म तथा फिल्मकर्मीहरुले अवार्ड जिते ।

कुल ३६ विधामा वितरण गरिएको अवार्डतर्फ उत्कृष्ट फिल्मको अवार्ड छक्का पञ्जा ३ ले जित्यो भने सोहि फिल्मबाट निर्देशक दीपाश्री निरौला उत्कृष्ट निर्देशक घोषित हुँदा कथा र पटकथा लेखनमा पनि सोहि फिल्म अब्बल बन्यो । उत्कृष्ट अभिनेताको अवार्ड विपिन कार्कीले प्रसादबाट पाउँदा अभिनेत्रीको अवार्ड मेनुका प्रधानले साइँलीबाट जितिन् । उत्कृष्ट संवाद लेखनमा फिल्म प्रसादबाट सुशिल पौडेल उत्कृष्ट कहलिए ।

आयोजकको तर्फबाट प्रदान गरिएको पपुलर अवार्ड फिल्ममा छक्का पञ्जा ३, अभिनेतामा अनमोल केसी र अभिनेत्रीमा साम्राज्ञीराज्यलक्ष्मी शाहले पाउँदा जुरी अवार्ड फिल्म हरिले पायो । सम्पादनतर्फ कथा काठमाडौंबाट मित्र डि. गुरुङले अवार्ड पाउँदा उत्कृष्ट छायांकारको अवार्ड फिल्म हरिबाट चिन्तनराज भण्डारीले जिते । गौरी मल्ल, दीपक बज्राचार्य, ध्रुब लम्साल र सविर श्रेष्ठ सम्मिलित जुरी टिमले विजेताको सुचि तयार पारेको थियो ।
यो बर्ष नेफ्टाले साउन्ड इन्जिनियर प्रदिपकुमार उपाध्याय र प्रकाश व्यवस्थापक नारायण तिमिल्सिनालाई जनही ५१ हजार नगदसहित ‘लाइफ टाइम एचिभमेन्ट अवार्ड’ प्रदान गर्यो । प्रमुख अतिथी उपराष्ट्रपति नन्दबहादुर पुनःले उनीहरुलाई ताम्रापत्र र चेक प्रदान गरेका थिए ।

कार्यक्रमको उद्घाटन सत्रमा सम्माननिय उपराष्ट्रपतिसँगै विभिन्न कलाकर्मीहरुले अवार्डलाई सुभकामना दिँदै कोभिड १९ को महामारीको बाबजुत यो प्रकारको ग्राण्ड कार्यक्रम गर्न सफल भएकोमा नेफ्टालाई बधाई प्रदान गरेका थिए । नेफ्टा अध्यक्ष पुष्कर लामाले कोरोना कहरबीच थलिएको फिल्म उधोगलाई गर्माउन आफ्नो संस्थाबाट आयोजित यो कार्यक्रम कोशेढुङ्गा साबित हुने विश्वास व्यक्त गरे ।

अवार्ड संयोजक सुष्मा पौडेल ‘गीता’ले सम्पुर्ण प्राविधिक, कलाकार, सञ्चारकर्मी तथा अवार्ड समारोहलाई सफल बनाउन जोडिएका ब्राण्ड पार्टनर सबैको साथका बीच मात्रै कार्यक्रम भव्य बन्न सकेको भन्दै धन्यवाद मन्तव्त व्यक्त गरिन् । सोल्टी क्राउन प्लाजामा सम्पन्न अवार्ड समारोहमा ५ सयबढिको सहभागिता रहेको थियो ।
अवार्ड विजेताहरुको सुचि यसप्रकार छ :

मेकअप एन्ड हेयर : शमशेर लामा (रोमियो एन्ड मुना)

कस्ट्युम डिजाइनर : युबी थापा (इन्टुमिन्टु लन्डनमा)

कला निर्देशक : पासाङ टी शेर्पा (रोमियो एन्ड मुना)

ब्याकग्राउन्ड स्कोर : एलिस कार्की (डमरुको डन्डिबियोँ)

ध्वनी मिश्रण : मुकेश शाह (डमरुको डन्डिबियोँ)

गीतकार : जाऊँ माया सरर, गणेश शाह (प्रसाद)

संगीत : जाऊँ माया सरर, सुवास भुषाल (प्रसाद)

एरेन्जर : जाऊँ माया सरर, उदयराज पौडेल (प्रसाद)

गायक : जाऊँ माया सरर, केतन क्षेत्री (प्रसाद)

गायिका : समिक्षा अधिकारी, नाइँ नभन्नू ल ३

कथा : छक्का पञ्जा ३

पटकथा : छक्का पञ्जा ३ (दीपकराज गिरी)

संवाद : सुशिल पौडेल (प्रसाद)

ट्रेलर : साहिल खान (ए मेरो हजुर ३)

भीएफएक्स : रोमियो एन्ड मुना

रङ संयोजन : अर्जुन कार्की (हरी)

आदिवासी जनजाति : प्राङ्गना (तामाङ फिल्म)

सह–अभिनेत्री (महिला) : सुरक्षा पन्त (गोपी)

सह–अभिनेता (पुरुष) : अनुप बराल (डमरुको डन्डिबियोँ)

अभिनेता–नेगेटिभ रोल : प्रमोद अग्रहरी (कथा काठमाण्डू्)

अभिनेता कमेडी : केदार घिमिरे (छक्का पञ्जा ३)

द्वन्द्व निर्देशक : चन्द्र पन्त (रणवीर)

नृत्य निर्देशक : कविराज गहतराज (ए मेरो हजुर ३)

डेब्यु अभिनेत्री : सुहाना थापा (ए मेरो हजुर ३)

डेब्यु अभिनेता : धीरज मगर (इन्टु मिन्टु लन्डनमा)

डेब्यु निर्देशक : संगीता श्रेष्ठ (कथा काठमाडौं)

सम्पादक : मित्र गुरुङ (कथा काठमाडौं)

छायांकार : चिन्तनराज भण्डारी (हरी)

पपुलर अभिनेत्री : साम्राज्ञी शाह

पपुलर अभिनेता : अनमोल केसी

पपुलर फिल्म : छक्का पञ्जा ३

जुरी अवार्ड फिल्म : हरि

अभिनेता : बिपिन कार्की (प्रसाद)

अभिनेत्री : मेनुका प्रधान (साइँली)

निर्देशक : दीपाश्री निरौला (छक्का पञ्जा ३)

फिल्म : छक्का पञ्जा ३

लाइफ टाइम एचिभमेन्ट अवार्ड : प्रदिपकुमार उपाध्याय र नारायण तिमिल्सिना