‘एउटा यस्तो प्रेम कहानी’ शीर्ष गीत सार्वजनिक |भिडियो

स्टार किड कविता मानन्धर र शक्ति श्रेष्ठ फिचर्ड फिल्म ‘एउटा यस्तो प्रेम कहानी’को शीर्ष गीत रिलिज गरिएको छ । अभिनेत्री करिश्मा मानन्धर पुत्री कविता र अभिनेता शिव श्रेष्ठ पुत्र शक्तिको यो डेब्यू फिल्म हो ।

गीतमा कविता र शक्ति प्रेमिल भावमा देखिन्छन् । यो फिल्म आगामी माघ १ गतेबाट प्रदर्शनमा आउँदै छ । सार्वजनिक गीतमा संगीत वसन्त सापकोटाको छ ।

दिपेश सापकोटाको निर्देशन रहेको फिल्ममा शक्ति र कवितासँगै संवेक दर्शनधारी, शिव श्रेष्ठ, वर्षा राउत, सञ्जोग कोइराला, प्रियंका कार्की, आयुष्मान देशराज जोशी, मिथिला शर्मा, बसुन्धरा भुषाल लगायत अभिनयमा छन् । फिल्मलाई शिव श्रेष्ठ, दिनेश दर्शनधारी र यशोदा राईले निर्माण गरेका हुन् । गोपालकाजी कायस्थले वितरणको जिम्मा लिएका छन् ।

https://youtu.be/vA-sa3pdT3w