‘रेड वाइन’ छोडेर पुष्प र साम्राज्ञीले रोजे ‘तिम्रो मेरो साथ‘ !
चलचित्र रेड वाइनको नाम परिवर्तन भएको छ । अबको परिवर्तित नाम ‘तिम्रो मेरो साथ’ रहेको छ । प्रेमकथामाथि आधारित यो चलचित्रको नाम कथा र समयको माग अनुरूप परिवर्तन गरिएको जानकारी चलचित्रका निर्देशक रमेश एम के पौडेलले बताएका छन ।
शुक्रबारदेखी छायांकन हुन लागेको चलचित्र ‘तिम्रो मेरो साथ’मा निर्देशक पौडेलकै कथा,गीत र निर्माण रहेको छ । चलचित्रमा पुष्प खड्का,साम्राज्ञी आर एल शाह, सन्दिप क्षेत्री,खबपु , इमिली लामा र बिशेष भूमिकामा ध्रुब दत्तको अभिनय रहने छ।
आर्यन फिल्मस तथा बोधी एच डी अमेरिकाको ब्यानरमा बन्न लागेको यो चलचित्रका निर्मातामा पासांग लामा र सह निर्मातामा निरू भण्डारी,सुमन पौडेल र सुधिर पराजुली रहेका छन । चलचित्रमा सबिर श्रेष्ठको पटकथा र सम्वाद छ । तिम्रो मेरो साथको नेपाल र केही दृश्यहरू अमेरिकाका विभिन्न शहरहरूमा छायांकन गरिने छ ।
(उल्लेखित तश्विर साम्राज्ञी र पुष्पले एकसाथ काम गरेको फिल्म ‘मारुनी’को हो )
