संगीतकार संघमा मुकारुङको नेतृत्व, महासचिवमा सापकोटा

शनिबार सम्पन्न दशौं वार्षिक साधारणसभाले संगीतकार संघ नेपाललाई नयाँ नेतृत्व दिएको छ । राजधानीमा सम्पन्न साधारणसभा पारस मुकारुङको नेतृत्वमा नयाँ कार्यसमिति चयन गर्दै सम्पन्न भएको हो ।

संघको नयाँ कार्यसमितिको वरिष्ठ उपाध्यक्षमा चेतन सापकोटा चयन भएका छन् भने प्रथम उपाध्यक्षमा हरि लम्साल र द्वितिय उपाध्यक्षमा अष्ट लामा चयन भएका छन् । महासचिव पदमा भने बसन्त सापकोटा आएका छन् । सापकोटा यसअघिको कार्यसमितिमा सचिव पदको जिम्मेवारीमा थिए ।

यस्तै सचिव पदमा सुदाम थापा आउँदा कोषाध्यक्षको जिम्मेवारी राजेश थापाले पाएका छन् । सदस्य पदमा कालिप्रसाद बाँस्कोटा, टंक बुढाथोकी, जेम्स प्रधान र राजन इशान चयन भएका छन् । शान्तिराम राईको नेतृत्वको अघिल्लो कार्यसमितिले मुकारुङलाई नेतृत्व हस्तान्तरण गरेको हो ।