‘माया बस्छ कि के हो’ फर्स्टलुक रिलिज, सोनाल र कस्मताको डेब्यू
राजु अधिकारीको निर्देशनमा बनेको फिल्म ‘माया बस्छ कि के हो’ को फर्स्टलुक पोस्टर रिलिज गरिएको छ । राजधानीमा मंगलबार आयोजित एक कार्यक्रमका बीच निर्माण टिमले पोस्टर रिलिज गर्दै कास्ट एण्ड क्रू सार्वजनिक गर्यो ।
फिल्ममा नव अभिनेता सोनाल तामाङ र नव अभिनेत्री कस्मता निरौला लिड अभिनयमा छन् । यी दुई कलाकार फिचर्ड फिल्मको शिर्ष गीत पनि कार्यक्रममा सार्वजनिक गरियो तर दर्शकले भने शुक्रबार मात्रै युट्युवमा हेर्न पाउनेछन् । यो फिल्मको छायांकन नेपाल र युरोपमा गरिएको छ । कोभिड महामारीको अन्त्यसँगै आउने सहज दैनिकीमा फिल्म प्रदर्शनमा आउनेछ ।
सोनम र कस्मतासँगै उपेन्द्र थापा, नरेन्द्र थापा, बेनी ढुङ्गाना, सब्बु पौडेल, हरिकृष्ण कार्की र तेजेन्द्र कंडेल पनि फिल्ममा अभिनयमा छन् ।
शरद अधिकारीको प्रस्तुतिमा बनेको फिल्मलाई बहादुर सिंह तामाङ र गंगा गिरीले निर्माण गरेका हुन् । आरती अधिकारीको कथा समावबेश फिल्ममा संगीत अर्जुन पोखरेलको छ । रामजी लामिछाने कोरियोग्राफीमा छन् भने रविन्द्र बरालले छायांकन गरेको फिल्मलाई सम्पादन विपिन मल्लले गरेका छन् ।
