‘छ माया छपक्कै सिक्वेल’, दिपक दीपाले छोडेका हुन् ‘छक्का पञ्जा’ सिरिज ?
पछिल्लो केहि दिन यता गत बर्ष दशैंको छेकोमा रिलिज भएको फिल्म ‘छ माया छपक्कै’को सिक्वेल बन्ने चर्चा सिने वृत्तमा छ । कलाकार, निर्मात्री अनि निर्देशक दिपाश्री निरौलाले अभिनेता दीपकराज गिरीसँगै निर्माता रोहित अधिकारी साथमा रहेको तश्विर सेयर गर्दै ‘छ माया छपक्कै २’ लिएर आउने इन्ष्टाग्राममा लेखेपछि यो चर्चा चुलिएको हो ।
यो समाचार बाहिर आएसँगै सिने वृत्तमा दीपक दीपाले ‘छक्का पञ्जा’ सिरिजलाई छोडेर ‘छ माया छपक्कै’ सिरिजलाई प्राथमिकता दिएको हो कि भन्ने प्रश्न पनि उब्जाएको छ । लगातार तीन सिरिज हिट भएको ‘छक्का पञ्जा’ लाई छोडेर गत बर्षको दशैंमा दीपक दीपाले रोहितलाई निर्माता लिएर ‘छ माया छपक्कै’ बनाएका थिए ।
फिल्मीनेपालसँगको कुराकानीमा दीपाश्रीले सामाजिक सञ्जालको पछिल्लो पोष्ट ‘छ माया छपक्कै २’ बन्ने जानकारीको लागी मात्रै भएको बताइन् । ‘हामी ‘छक्का पञ्जा ४’ को स्कृप्टलाई अन्तिम रुप दिएर बसेका छौँ, यसैपनि तत्काल फिल्म बनाउने सोचमा छैनौँ, दीपाले भनिन्, ‘छ माया छपक्कै’ सिक्वेल बन्ने सत्य हो, तर ‘छक्का पञ्जा ४’ पहिले आउँदैन ।
त्यसो त कोभिड १९ को महामारी र त्यसपछिको लकडाउनको प्रभाव विश्व बजारमा पर्दा निर्माता तथा कलाकार दीपकराज गिरीले तत्काल फिल्म बनाउने सोचमा आफुहरु नरहेको बताइसकेका छन् । उता निर्माता अधिकारीले पनि ‘छ माया छपक्कै’ सिक्वेल बन्ने कन्फर्म भएको भन्दै कहिले र कुन मिति भन्ने चाहिँ खुलाएनन् ।
