‘भाँडाकुटी’ मा मुकुनको जोडी वेनिशा

घटस्थापनाको दिन पारेर शनिवार फिल्म ‘भाँडाकुटी’ निर्माण घोषणा गरिएको छ । दृश्यालय सिनेमा प्रालीको ब्यानरमा बन्ने गरि घोषणा गरिएको फिल्ममा ‘बुलबुल’ अभिनेता चोपेन्द्र उर्फ मुकुन भुषाल र वेनिशा हमाल लिड अभिनयमा हुनेछन् ।

यो फिल्म आउँदो फाल्गुनदेखि फ्लोरमा जानेछ । बुटवल र त्यस आसपासका क्षेत्रमा छायांकन हुनेछ । सामाजिक कथामा निर्माण हुन लागिएको फिल्मलाई किरण बिकले निर्देशन गर्नेछन् । बिककै कथामा कमल खड्काले फिल्म निर्माण गर्न लागेका हुन् ।

फिल्ममा राज कुमार दर्जीको कोरियोग्राफी र भिम बिकको सम्पादन रहने छ । गोपाल आचार्य एशोसियट डाइरेक्टर रहनेछन् । झण्डै एक करोड लगानीमा फिल्म ‘भाँडाकुटी’ निर्माण गर्न लागिएका निर्माण टिमले बताएको छ ।