बिहे गर्दै नेहा कक्कर !
स्वरको जादु छरेर चर्चामा आएकी गायिका नेहा कक्कर बलिउड गायनमा क्विन मानिन्छिन् । डेब्यू गायनदेखि हालसम्म आएपुग्दा उनले आफुलाई कहिल्यै फर्केर हेर्नु परेन । स्वर र सुन्दरताकी धनि यी सुन्दरी धेरै फ्यानको ‘क्रस’ लिस्टमा छिन् ।
अब उनै नेहा घरजम गर्ने निर्णयमा पुगेको बलिउड मिडियाले लेखेका छन् । एक समय हिमांश कोहलीसँगको रिलेशनले व्याक्तिगत सम्वन्धलाई चर्चामा ल्याएकी नेहाको नाम त्यसपछि ११ औं इण्डियन आइडलबाट आदित्य नारायण झासँग जोडिएको थियो । धेरैले नेहा र आदित्यलाई ‘गड गिफ्टेड कपल’ पनि लेखे ।
तर अब नेहाले बिहेको निर्णय त लिएकी छिन् तर त्यसमा आदित्य अटाएनन् । उनले लामो समयदेखिको नजिकको साथी रोहनप्रित सिंहसँग लगनगाँठो कस्ने निर्णय लिएको कोइमोइ डटकमले लेखेको छ । यी दुईले हालै एक म्युजिक भिडियोमा सहकार्य पनि गरेका थिए ।
नेहाले इन्स्टाग्राममा स्टोरी पोस्ट गर्दै। ‘लकडाउनमा बिहे गरौं, खर्च निकै कम हुनेछ’ लेखेकी छिन् । नेहाले इन्स्टामा पोस्ट गरेको उक्त लाइनलाई प्रमाणित गर्दै उनिहरुले बिहेको तयारी समेत गरिसकेको टाइम्स अफ इण्डियाले लेखेको छ । श्रोतका अनुसार अक्टुवर अन्तिममा दिल्हीमा नेहा र रोहनको बिहे हुनेछ ।
तश्विरः गूगल
