कोरोना विरुद्ध एकै ठाउँमा उभिए प्रदिप र पल |भिडियो

विश्व नै कोरोना रोगको माहामारीमा परिरहँदा आशाको किरणको प्रतिक्षा सहितको मर्मस्पर्शी गीत सार्वजनिक भएको छ । सत्य स्वरुप, प्रताप दास र प्रविशा अधिकारीको स्वर रहेको गीतमा अभिनेता प्रदिप खड्का, पल शाह, उल्लेखित गायकहरुको साथमा निर्माता निर्देशक सन्तोष सेनसँगै अभिनेत्री क्रिष्टिना गुरुङ फिचर्ड छन् ।

गीतमा भोली पुनः सुनौलो दिन आउने भन्दै हतासमा नपर्न तथा संकटलाई डटेर सामना गर्न आग्रहसहितको भाव व्यक्त छ । एलिश कार्की र प्रमोद निर्वाणले संगीत भरेको गीतको भिडियोमा क्यामेरा रुपेश थापा, विजय भण्डारी र दिपेश उपाध्यायले चलाएका छन् ।

सम्पादन पनि रुपेशको नै छ । नितिन चन्दले निर्देशन गरेका छन् । गीतका शब्द अशोक सेरचनले लेखेका हुन् । शैलेन्द्र ए प्रधानको संगीत एरेञ्ज छ ।

https://youtu.be/6fokDbdNLXM