‘म यस्तो गीत गाउँछु २’ प्रदर्शन स्थगित
फागुन ३० बाट प्रदर्शनमा आउने भनिएको फिल्म ‘म यस्तो गीत गाउँछु २’ ले आफ्नो प्रदर्शन मिति स्थगित गरेको छ । फिल्म निर्माण कम्पनी सुदर्शन थापा प्रोडक्सनले सुचना जारी गर्दै फिल्म प्रदर्शन हाल स्थगित गरिएको जानकारी गराएको हो ।
आम जनमानसको स्वास्थ्यलाई ध्यानमा राख्दै हाल महामारीका रुपमा फैलिरहेको कोरोना भाइरस(कोभिड १९) को जोखिम न्युनिकरणका लागि अर्को सुचना नआउन्जेल सम्मका लागि फिल्म प्रदर्शन नगर्ने जारी सुचनामा उल्लेख गरिएको छ । यस कदमबाट फिल्म प्रदर्शन मिति लम्बिएकोमा निर्माण टिमले दर्शकहरुसँग क्षमा मागेको छ ।
कोरोना भाइरसको संक्रमणबाट बच्नका लागि पारिवारिक जमघट, मेला महोत्सव, जात्रा पर्वजस्ता कार्यक्रममा सरिक नहुन र स्थगन गर्न भनि राज्यबाट सुचना जारी गरिएको थियो । त्यस्तै हिजो मात्र नेपाल चलचित्र निर्माता सघंले छायांकनमा रहेका फिल्मलाई छायांकन रोक्न समेत अनुरोध गरेको थियो ।
