खगेन्द्रको ‘पानीफोटो’ प्रदर्शन मिति घोषणा

-अनुकूल अर्याल

अभिनेता खग्रेन्द्र लामिछानेको डेब्यु निर्देशनमा निर्माण भएको फिल्म ‘पानीफोटो’ ले प्रदर्शन मिति घोषणा गरेको छ । अभिनेता लामिछानेको कथा एवम् अभिनय  रहेको फिल्मले आगामी साउन ३० गतेलाई आफ्नो प्रदर्शन मिति तय गरेको हो ।

टुकी आर्टस् र मञ्जरी फिल्म प्रोडक्सनको ब्यानरमा निर्माण भएको फिल्ममा अभिनेता खगेन्द्रसँगै अनुप बराल, मेनुका प्रधान, मलिका महत, प्रकाश घिमिरे, बुद्धि तामाङ, माओत्से गुरुङ, कमलमणि नेपाल, आशान्त शर्मा, प्रकाश घिमिरे, श्यामकुमार खड्का, अनोज पाण्डे, कमल देवकोटा लगायतका कलाकारहरुको अभिनय रहेका छ ।

दिपक बज्राचार्यले खिचेको फिल्ममा निमेष श्रेष्ठको सम्पादन रहेको छ । फिल्ममा रोजिना सिटौला र रविन्द्र बज्राचार्यको लगानी रहेको छ । करिब एक दशकअघि निकै चर्चित रहेका नाटक ‘पानीफोटो’ लाई फिल्मको रुपमा निर्माण गरिएको हो ।