अडिसन आह्वानः ‘प्रेमपूजा’ले खोज्यो १२ कलाकार

महाशिवरात्रीको छेकोमा निर्माण घोषणा गरिएको फिल्म ‘प्रेमपूजा’ले कलाकार खोजीको लागि अडिसन घोषणा गरेको छ । अमरदीप सापकोटाले निर्देशन गर्ने फिल्म निर्माण कम्पनि इन्टरटेनमेन्ट वर्ल्डवाइडले फिल्मको लागि १२ जना कलाकार खोजी गरेको हो ।

अडिसन दिन चाहने इच्छुकले हालसालै खिचेको तीन प्रति फोटो र बायोडाटा [email protected] मा पठाउनु पर्नेछ ।

फिल्मको लागि १९-२५ उमेर समुहको मुख्य अभिनेत्री खोजी गरिएको छ । जसको लागी हाइट ५.४-५.६ इन्च हुनुपर्ने प्रावधान राखिएको छ । यस्तै सहायक भूमिकाको लागि ५ जना महिला (१९-२५ उमेर समुह) र २०-३२ उमेरसम्मका ६ जना पुरुष कलाकारको आवश्यक रहेको निर्माण पक्षले बताएको छ ।

इच्छुकले नेपालसँगै संसार भरबाट अडिसनमा सहभागिता जनाउन सक्नेछन् । अभिमन्यु निरवीको लेखन रहने फिल्मको पहिलो मुहार सार्वजनिक गर्दा निर्माण टिमले अभिनेताको अनुहार लुकाउँदै कौतुहलता छोडेको थियो । हालसम्म पनि फिल्ममा लिड अभिनेता को रहने कन्फर्म छैन ।