‘प्रेमगीत ३’ टिजर रिलिज |भिडियो

चैत्र २८ लाई प्रदर्शन मिति तोकेको फिल्म ‘प्रेमगीत ३’ को टिजर रिलिज भएको छ । १ मिनेट ४५ सकेण्ड लामो फिल्मको टिजर एक्सनले भरिपूर्ण छ ।

टिजरले दर्शकलाई ट्रेलर र फिल्मप्रतिको प्रतिक्षा बढाउने अनुमान निर्माण टिमको छ । छेतन गुरुङ र सन्तोष सेनको निर्देशनमा बनेको फिल्ममा अभिनेता प्रदीप खड्का र अभिनेत्री क्रिष्टिना गुरुङको मुख्य भुमिका रहेको छ ।

सन्तोष सेनको निर्माणमा बनेको फिल्ममा शिव श्रेष्ठ, सुनिल थापा, माओत्से गुरुङ, मनिष राउत, पुस्कर कार्की, प्रेम पुरी, लक्ष्मी वर्देवा, अनुभव रेग्मी, योगिशा खत्री, सम्वृद्धि शाही ठकुरी लगायतका कलाकारहरुको पनि अभिनय रहेको छ ।

राजेश श्रेष्ठले खिचेको फिल्ममा हिमाल केसीको द्वन्द्व रहेका छ । फिल्मलाई बनिश शाह र भुपेन्द्र अधिकारीले सम्पादन गरेका हुन् भने फिल्ममा कविराज गहतराजको कोरियोग्राफी रहेको छ । फिल्म ‘प्रेमगीत’ को यो तेस्रो सिक्वेल हो ।

https://youtu.be/LhLZX1xZd-A