‘सेन्टी भाइरस’ले ९ दिनमा कति कमायो ? |बक्सअफिस

धुर्मुस सन्तुलीको निर्माणमा बनेको फिल्म ‘सेन्टी भाइरस’ ले प्रदर्शन मितिको ९ दिनमा आइपुग्दा आफ्नो लगानी सुरक्षित गरेको छ । फिल्मले नवौँ दिनमा कुल ४ करोड भन्दा माथिको व्यापार गरेको छ । फिल्मको लगानी सुरक्षित भएको र अब हुने सम्पुर्ण रकम फिल्मको नाफा हुने सीताराम कट्टेल (धुर्मुस) ले जानकारी दिए ।

फिल्मको ९ दिनसम्मको कमाई देशभर ४ करोड ८ लाख ग्रस रहेको छ । फिल्मले राजधानीमा २ करोड १० लाख ३ हजार र मोफसलमा १ करोड ९० लाख ५ हजार रहेको छ । फिल्मले कमाएको नाफाको ५० प्रतिशत रकम चितवनमा निर्माणाधिन गौतम बुद्ध अन्तराष्ट्रिय क्रिकेट रंगशालामा खर्च गरिने धुमुर्सले बताए ।

रामबाबु गुरुङले निर्देशन गरेका फिल्ममा सिताराम कट्टेल, दयाहाङ राई, कुञ्जना घिमिरे, विल्सन विक्रम राई, बुध्दी तामाङ, सन्दीप क्षेत्री, राजाराम पौडेल लगायतका कलाकारहरुको अभिनय रहेको छ ।