‘छक्का पञ्जा ४’ औपचारिक घोषणा दशैँमा ८ फिल्मको महा भिडन्त

–अनुकूल अर्याल

सर्वाधिक हिट फिल्म सिरिज ‘छक्का पञ्जा’ को चौथो श्रृङ्खला निर्माण हुने दिपक राज गिरीले औपचारिक घोषणा गरेका छन् । फिल्म ‘छक्का पञ्जा ४’ को चर्चा चलिरहेको बेला गिरीले आफ्नो अफिसियल फेसबुक अकाउन्टबाट ‘छक्का पञ्जा ४’ आगामी दशैँको फुलपातीमा रिलिज हने औपचारिक घोषणा गरेका हुन् ।

दिपक राज गिरीले फेसबुकमा आफुसहित दिपाश्री निरौंला, जितु नेपाल र केदार घिमिरेको फोटो एउटै फ्रेममा राखेर (हामी चार ‘‘छक्का पन्जा ४’’ ….फूलपाती २०७७ ) भनि लेखेर पोष्ट गरेका हुन् । फिल्मका कास्ट एण्ड क्रु भने सार्वजनिक गरिएको छैन् ।

फिल्म ‘छक्का पञ्जा ४’ को दशैँ प्रदर्शनको औपचारिक घोषणा सँगै आगामी दशैंमा प्रदर्शनको मिति घोषणा गरेका फिल्महरुको सङ्ख्या ८ पुगिसकेको छ । २०७७ दशैंलाई प्रदर्शन मिति घोषणा गरिएका फिल्महरु छक्का पञ्जा ४, ए मेरो हजुर ४, परदेशी २, अल्लारे २, कबड्डी ४, प्रेम पुजा , पारस र निर्देशक प्रदिप भट्टराईको नाम नजुराईसको फिल्म गरि ८ ओटा हुन् ।