अनमोल र सुहानाको ‘ए मेरो हजुर ४’ को शुभ मुहूर्त

फिल्म ‘ए मेरो हजुर ४’ को शुभ मुहूर्त गरिएको छ । अनमोल केसी र सुहाना थापाको मुख्य भुमिका रहने फिल्मको शुक्रबार काठमाण्डौंको गोंगबुमा रहेको कार्यविनायक मन्दिरमा शुभ मुहूर्त गरिएको हो । फिल्मको छायांकन पनि आजैबाट सुरु भएको छ ।

अभिनेत्री टर्न निर्देशक झरना थापाले निर्देशन गर्ने फिल्ममा अनमोल केसी, सुहाना थापा र सलोन बस्नेत अभिनयमा रहनेछन् । अन्य कलाकारहरुको भने टुङ्गो लागिसकेको छैन् । यो फिल्मसँगै झरना थापाले निर्देशनमा ह्याट्रिक गर्नेछिन् ।

सुनिल कुमार थापा प्रोडक्सन र सुहाना इन्टरटेन्मेन्टको ब्याननरमा बन्ने फिल्म ‘ए मेरो हजुर ४’ को छायांकन करिब ३० दिनमा सकिने निर्माण टिमले जानकारी दिएको छ । त्यसैगरि फिल्मको प्रदर्शन मिति पनि आजै तोकिएको छ, फिल्म आगामी दशैँको फूलपातीमा प्रदर्शनमा आउनेछ् ।