‘हिजो आजका कुरा’ अफिसियल गीत रिलिज |भिडियो

सन्तोष पन्तको निर्माणमा बनेको फिल्म ‘हिजो आजका कुरा’को पहिलो गीत रिलिज भएको छ । गीतमा चर्चित कलाकारहरु फिचर्ड छन् । नीर शाह, मदनकृष्ण श्रेष्ठ, भुवन चन्द, बसुन्धरा भुषाल, गौरी मल्ल, दीपाश्री निरौँला, धिरेन शाक्य लगायतलाई समेटिएको छ भने फिल्मका कलाकार सन्तोष पन्त, रमा थपलिया, केकी अधिकारी, ऋचा शर्मा, रीमा विश्वकर्मा, जेविका कार्की लगायतलाई पनि देखिन्छ ।

चर्चित जम्बो अनुहारहरुलाई समेटेर तयार पारिएको गीतमा स्वर रामकृष्ण ढकाल र मेलिना राईको छ भने आनन्द अधिकारीको शब्दमा दीपक शर्माले संगीत भरेका छन् । कविराज गहतराजको कोरियोग्राफी छ । ‘माया जदौ’ बोलको गीतले प्रेमको चर्चा गरेको छ ।

रवी सायमीले खिचेको फिल्मलाई शाकार पन्तले निर्देशन गरेका छन् । आगामी बैशाख १२ बाट प्रदर्शनमा आउने फिल्मलाई राजधानीमा गोपाल कायस्थ र मोफसलमा एफडी कम्पनिले वितरण गर्दैछ ।

https://youtu.be/v56I3tYAlnQ