‘धुलो’ आइटम गीतः बारमा दिपाशाको बोल्ड ठूम्का |भिडियो

फागुन १६ लाई प्रदर्शन मिति तय गरेको फिल्म ‘धुलो’मा समावेश आइटम गीत रिलिज भएको छ । शनिबार सार्वजनिक गीतमा मोडल नृत्याङ्गना दिपाशा बिसीले बोल्ड ठूम्का लगाएकी छिन् । रामजी लामिछानेले नृत्य निर्देशन गरेका छन् ।

‘चार सय चालिसको..’ बोलको गीतमा स्वर अनुप थापा र दुर्गा खरेलको छ, केशव मिश्रको शब्दमा संगीत जूगल डंगोलले भरेका छन् । भिडियोमा लिड कलाकार बुद्धि तामाङ र अग्रज केसीलाई पनि देख्नसकिन्छ ।

प्रधुम्न मिश्रको निर्देशनमा बनेको फिल्मलाई लक्ष्मी गौतम र ननिराम फुयाँलले निर्माण गरेका हुन् । रविन आचार्यको छायांकन रहेको फिल्ममा अर्जुन जिसीको सम्पादन छ । बुद्धि र अग्रजसँगै सिर्जना सुब्बा, सुदिप कार्की, नीरबिक्रम शाह, सुशिल पोखरेल, अमृत पान्डे, लक्ष्मी बर्देवा लगायत अभिनयमा छन् ।

https://youtu.be/bPjA4ueWf4M