प्रेमगीत ३’ शीर्ष गीतः ‘हर युग होस प्रेमको’ मोशन भिडियो सार्वजनिक

चैत्र २८ लाई प्रदर्शन मिति तोकेको फिल्म ‘प्रेमगीत ३’ को शीर्ष गीतको मोशन भिडियो रिलिज गरिएको छ । शिवरात्रीको अबसरमा फिल्मको टाइटल गीत ‘हर युग होस् प्रेमको’ सार्वजनिक गरियो । भिडियोमा लिड कलाकार अभिनेता प्रदीप खड्का र क्रिष्टिना गुरुङ फिचर्ड छन् ।

निर्माण टिमले गीतको ओरिजिनल भिडियो छिट्टै नै रिलिज गर्ने बताएको छ । गीतमा प्रताप दास र प्रविशा अधिकारीको स्वर तथा एलिश कार्कीको संगीत समावेश छ । गीतमा समावेश शब्दहरु प्रेमिल लाग्छन् । युट्युवमा सार्वजनिकसँगै दर्शकले ओरिजिनल भिडियोप्रति प्रतिक्षाका शब्द छोडेका छन् । प्रतिक्रिया राम्रो मिलिरहेको छ ।

सन्तोष सेनको निर्माणमा बनेको फिल्म निर्माण घोषणादेखि चर्चामा छ । अभिनेता प्रदीपलाई स्टारको ट्याग भिराएको फिल्म ‘प्रेमगीत’को यो तेश्रो सिक्वेल हो । फिल्ममा निर्माता सेन र छेतेन गुरुङको संयुक्त निर्देशन छ ।

https://youtu.be/82u-4xcsyJU