आमा: ‘मनको मौलो देखि मन्दिर सम्म’ गीत रिलिज |भिडियो

–अनुकूल अर्याल

दिपेन्द्र के खनाल निर्देशित फिल्म ‘आमा’ को पहिलो गीत सार्वजनिक भएको छ । ‘मनको मौलो देखि मन्दिर सम्म’ बोलको लिरिकल गीत सार्वजनिक भएको हो र गीतमा फिल्मका मुख्य कलाकारहरु फिचर्ड छन् ।

भुपेन्द्र खड्काको शब्दमा केतन क्षेत्रीको स्वर रहेको छ भने गीतमा सुभाष भुषालले संगीत भरेका छन् । गीतको एरेन्ज उदय राज पौडेलले गरेका हुन् । ५ मिनेट ३३ सेकण्ड लामो उक्त गीतका शब्द निकै मार्मिक र हृदयस्पर्शी छन ।

शर्मिला पाण्डेको निर्माणमा बनेको फिल्ममा मिथिला शर्मा, सुरक्षा पन्त, सरिता गिरि, देशभक्त खनाल, मनिष निरौला, लक्ष्मी भुषाल, टिका पहारी, पदमप्रसाद पौडेल, आशान्त शर्मा, सरोज अर्याल, अस्मिता खनाल, सुदीप खतिवडा, झकेन्द जिसी र विकास खनाल लगायतका कलाकारहरु अभिनय रहेको छ । दीर्घ खड्काको सम्पादन रहेको फिल्ममा निर्देशक खनालकै छायाँकन छ । फिल्म आगामी फागुन ९ गते बाट प्रदर्शनमा आउनेछ ।

https://youtu.be/bivNGWP8qRA