केतनको स्वरमा ‘दी कर्मा’को ‘साना साना सपना’ |भिडियो

फिल्म ‘दि कर्मा’मा समावेश ‘साना साना सपना’ बोलको गीति भिडियो रिलिज गरिएको छ । माघ १७ बाट प्रदर्शनमा आउने फिल्म निर्माण टिमले प्रचारलाई अघि बढाउँदै गीत रिलिज गर्यो । केतन क्षेत्रीले स्वर भरेका छन् ।

मानसविक्रम थापा र अंकित बाबु अधिकारीको संगीत रहेको गीतलाई मानसले नै लेखेका छन् । गीतमा कलाकार जयराज राय र संगीता नापित फिचर्ड छन् । उल्लेखित दुई कलाकारलाई प्रेमिल मूडमा कोरियोग्राफर रामजी लामिछानेले उतारेका छन् ।

देव कुमार श्रेष्ठको निर्देशन रहेको ‘दि कर्मा’ जय मिडिया म्यानेजमेन्ट र श्रीत फिल्मस् एण्ड इन्टरटेन्मेन्टको ब्यानरमा तयार भएको हो । फिल्मको कथा निर्माता जय राजको हो । रायसँगै श्रीदेव बि.एल. र निशा खतिवडा निर्माता रहेको यस चलचित्रमा शारदा खड्का अर्याल सह निर्माताको रुपमा छन् ।

यो फिल्ममा जय र संगीतासँगै परमिता आर. एल. राना, करण वर्मा, नीता ढुङ्गाना, बुद्दी तामांङ, अनुप सक्सेना लगायतका कलाकारहरुको अभिनय छ । ‘दि कर्मा’को पटकथा तथा संवाद सुशील पोखरेलको हो । फिल्ममा रामेश्वर कार्कीको छायांकन छ ।

https://youtu.be/vfrsWvt2w3s