फ्राइडे रिलिजः पर्दामा विकृति बिरुद्धको ‘कमाण्डर’
फ्राइडे रिलिज अन्तर्गत यो हप्ताको लागी एक नेपाली फिल्म प्रदर्शनमा आएको छ । अनुपविक्रम शाही र रोविन तामाङ स्टारर फिल्म ‘कमाण्डर’ एकल प्रदर्शनमा आएको हो । केहि बर्ष पहिले निर्माण भएको फिल्म प्राविधिक कारणबस हलमा आएको थिएन ।
राजनीति, भ्रष्टाचार, तस्करी जस्ता सामाजिक विकृति बिरुद्धको अवाज बोल्ने बताइएको फिल्मलाई एलआर विवेक सापकोटाले निर्देशन गरेका छन् । हालै आयोजित एक प्रेम भेटघाटमा सापकोटाले भनेका छन्, ‘कमाण्डर’ मा मनोरञ्जनका साथै देशप्रेमको सन्देश छ,’ प्रेसमिटमा निर्देशक सापकोटाले भने, ‘समसामयिक राजनीति, भ्रष्ट्राचार, तस्करी, कालोबजारीलगायतका समाजीक बेथितिबिरुद्धको प्रतिनिधि आवाजलाई फिल्ममा प्रस्तुत गरेका छौ ।’
निर्देशक सापकोटाकै लेखन रहेको फिल्ममा अनुपविक्रम शाही र रविन तामाङका अलावा साधना सिलवाल, ध्रुव कोइराला, श्रीराम पुडासैनी, प्रेम शर्मा, दिनेश केसी, कालु राना, तेजा ऐरका साथमा नवअभिनेत्री सगुन थापा मुख्य भूमिकामा छिन् ।
