‘एन्टी हिरो’ लिडिङ लेडी कन्फर्मः जसितासँग रोमान्सलाई अनमोल तयार

स्टार अभिनेता अनमोल केसीको होम प्रोडक्सनमा बन्ने फिल्म ‘एन्टी हिरो’मा लिडिङ लेडी फाइनल भएकी छिन् । प्राप्त जानकारी अनुसार निर्माण ब्यानर सुपर काजल फिल्मस् ले अभिनेत्री जसिता गुरुङलाई अनुबन्ध गरेको छ ।

फ्लोर मिति तय नभइसकेको फिल्ममा अब अनमोलले जसितासँग अनस्कृन रोमान्स गर्नेछिन् । प्रायः फिल्ममा नयाँ अभिनेत्रीसँग रोमान्समा देखिने अनमोलले यो पटक जसिता रोजेका छन् । फिल्मलाई भुवन केसीले निर्माण गर्नेछन् ।

रोचक कुरा त के हुनेछ भने अनमोलको प्रतिस्पर्धी अभिनेताको ट्याग पाएका प्रदिप खड्कासँग स्कृन सेयर गर्दै जसिताले नेपाली रजतपटमा डेब्यू गरेकी थिइन् । प्रदिप र जसिताको प्रेम र ब्रेकअपको खबर बारबार गसिप बनिरहन्थ्यो । अब उनै प्रदिपको हिरोइनको ट्याग पाएकी जसिताको जोडी अनमोलसँग कस्तो देखिन्छ त्यो समयले बताउनेछ । यो फिल्म आगामी नयाँ बर्षसँगै फ्लोरमा जाने बताइएको छ ।