सेल्फी किङः ‘जिन्दगीको के छ र भर’ मार्मिक गीत रिलिज |भिडियो

विपिन कार्की स्टारर फिल्म ‘सेल्फी किङ’ ले ‘जिन्दगीको के छ र भर’ बोलको गीत सार्वजनिक गरेको छ । सार्वजनिक लिरिकल भिडियोमा अभिनेता कार्कीका जीन्दगीका विभिन्न उतारचढावहरु समावेश छन् ।

गीतमा सुरज गैरेको शब्द र केतन क्षेत्रीको स्वर रहेको छ भने सुभाष भुषालले संगीत भरेका छन् । गीतको एरेन्ज उदय राज पौडेलले गरेका हुन , ५ मिनेट २५ सेकेण्डको गीतमा समावेश शब्दहरु मार्मिक लाग्छन् । संगीत मनछुने छ । ‘जिन्दगीको के छ र भर’ले पछिल्लो बर्ष रिलिज ‘प्रसाद’ फिल्ममा समावेश ‘लै लै’ गीतको झल्को दिन्छ । त्यसो त दुबै गीतका संगीतकार भुषाल नै हुन् ।

फिल्ममा अभिनेता कार्कीले हांस्यकलाकारको भुमिका निर्वाह गर्नेछन् । फिल्ममा विशाल सापकोटाको निर्देशन रहनेछ भने अभिनयमा विपिनसँगै लक्ष्मी बर्देवा, अभय बराल, लोकमणी सापकोटा, सविन बाँस्तोला, भुवन चन्द, जीवन भट्टराई आदिलाई देख्न सकिनेछ ।

दिनेश राउतसँगै सुभाष थापा निर्माता रहेको फिल्ममा सुशन प्रजापतीको छायाँकन छ भने जीवन थापा सम्पादक छन् । फिल्म आगामी माघ २४ गते रिलिज हुनेछ ।

https://youtu.be/PYIlWmn0-C0