सुशील र रुविनाको ‘लभ डायरीज’ अफिसियल ट्रेलर रिलिज |भिडियो

अनुकूल अर्याल । सुशील श्रेष्ठ स्टारर फिल्म ‘लभ डायरीज’ को अफिसियल ट्रेलर रिलिज भएको छ । प्रदर्शन मिति नजिकिएसँगै फिल्म निर्माण टिमले आफ्नो प्रचार प्रसारलाई अघि बढाउँदै ट्रेलर रिलिज गर्यो ।

ट्रेलर प्रेम, रोमान्स र विछोडमा केन्द्रित छ । प्रेमिल पर्व भ्यालेन्टाइनमा रिलिज हुन लागेको फिल्मको ट्रेलर पनि प्रेमिल बनाइएको छ । सुशिलको अपोजिटमा रुविना थापा छिन् । फिल्ममा सुशील र रुविनासँगै विश्वजित रिमाल, बिष्णु सापकोटा, अर्जुनजंग शाही, विशाल पहारी लगायतका कलाकारहरुको अभिनय रहेको छ । फिल्मलाई सौरभ चौधरीले निर्देशन गरेका हुन् भने फिल्मको कथा, पटकथा मधु बास्तोलाको हो ।

फिल्ममा संजय लामाले क्यामेरा चलाउँदा फिल्म सम्पादनमा सक्रिय साहिल खानले एशोसियट निर्देशकको भुमिका निभाएका छन् । मिलन श्रेष्ठ र दीर्घ खड्काले सम्पादन गरेको फिल्ममा अर्जुन पोखरेलले सगींत दिएका छन् ।
फिल्मको निर्माता विनोद सापकोटा हुन भने करण श्रेष्ठको ‘रीच इन्टरटेन्मेन्ट’ ले फिल्मको वितरणको अधिकार लिएको छ । फिल्म आगामी फागुन २ गते रिलिज हुनेछ ।

https://youtu.be/3jR4DxezS6E