२ सय करोडको बाटोमा अजय स्टारर ‘तानाजी’, यस्तो छ कलेक्सन

अजय देवगन स्टारर फिल्म ‘तानाजी’ ले बक्स अफिसमा कमालको व्यापार गरेको छ । प्रदर्शन भएदेखि नै फिल्मले व्यापारमा लगातार फड्को मार्दै गएको छ, योसँगै देवगनको १०० करोड फिल्मको लिस्टमा ‘तानाजी’ थपिइसकेको छ ।

फिल्ममा अजय देवगन, सैफ अलि खान, काजोल, शरद केलकर, पद्य्मावती राव, शशांक शिंदे, देवदत्त नागे लगायतका कलाकारहरुको अभिनय रहेको छ । फिल्मलाई ओम राउतले निर्देशन गरेका हुन् ।

प्रदर्शन भएदेखि आज ११औँ दिनमा फिल्मले बक्स अफिसमा १६४ करोडको व्यापार गरेको छ । दोस्रो साताको आइतबार मात्रै २२ करोडको ब्यापार गरेको फिल्म २ सय करोड उन्मुख छ । दीपिका पादुकोण को फिल्म ‘छपाक’ र सनी सिंहको फिल्म ‘जय मम्मी दी’ बक्स अफिसमा असफल भइसकेका छन्, जसको फाइदा तानाजी ले लिइरहेको छ ।