‘लक्का जवान’ शीर्ष गीतः दीलिप, प्रियंकादेखि सलोनसम्मको ठुम्का (भिडियो)

शिवहरी पौड्यालको डेब्यू निर्देशनमा तयार फिल्म ‘लक्का जवान’को शीर्ष गीत रिलिज भएको छ । बुधबार सार्वजनिक डान्सिङ नम्बरमा आधा दर्जनबढि कलाकारले नृत्य गरेका छन् । कोरियोग्राफी कविराज गहतराजको छ ।

सार्वजनिक गीतमा कलाकारहरु सरोज खनाल, दीलिप रायमाझी, प्रियंका कार्की, निर्देशक पौड्यालसँगै वर्षा शिवाकोटी, किरण केसी, राजाराम पौडेल, जयनन्द लामा लगायत फिचर्ड छन् । गीतमा स्वर मिना निरौला र बबुल गिरीको छ भने संगीत बबुलकै रहँदा शब्द डिपी खनालको छ ।

चैत्र २१ लाई प्रदर्शन मिति तय गरेको फिल्मको कथा पनि निर्देशक पौड्यालको नै हो । मित्र डि. गुरुङ यो फिल्मको सम्पादकमा छन् भने छायाँकन पुरुषोत्तम प्रधानको छ ।

https://youtu.be/PrSgzNNBSug