रेखाले रोजिन् दयाहाङ र सौगात, रिलिज मिति घोषणा

अभिनेत्री रेखा थापाको होम प्रोडक्सनमा बन्ने गरी नयाँ प्रोजेक्ट घोषणा भएको छ । रेखा आफै लिडिङ लेडी रहने फिल्ममा अभिनेता दयाहाङ राई र सौगात मल्ल कन्फर्म भएका छन् । हालै निर्माण ब्यानर रेखा फिल्मस् र कलाकारबीच कागजी सम्झौता भएको छ ।

अनटाइटल प्रोजेक्टलाई निर्देशन सबिर श्रेष्ठले गर्नेछन् । फिल्मको कथा जगदिश्वर थापाले लेखेका छन् । दया र सौगातसँघ रेखाको पहिलो टिमअप हुनेछ । निर्देशक श्रेष्ठ भने रेखाका अधिकांश होम प्रोडक्सनमा अटाएका निर्देशक हुन् ।

यसैबीच फिल्मलाई अर्को बर्ष (२०७७)को तिहारमा प्रदर्शनमा ल्याउने समेत घोषणा गरिएको छ । रेखाले पहिलेदेखि लक्ष्मी पूजालाई आफु अनुकुलको प्रदर्शन समय मान्दै आएकी छिन् ।