नीकितासँग रोमान्टिक विराज, कति जम्ला केमेष्ट्रि ?
विराज भट्ट स्टारर फिल्म ‘साङ्लो’ ट्रेलरले नेपाली फिल्ममा हराउँदै गएको एक्सनको छबिलाई दोहोर्याउने विश्वास दर्शक तथा फिल्मकर्मीमा छ । एक्सन प्रधान फिल्ममा विराजले पुर्व मिस नेपाल नीकिता चाण्डकसँग स्कृन सेयर गरेका छन् । त्यसो त फिल्ममा निर्देशन पनि विराजको नै छ ।
प्रदर्शनको लागी तीन हप्ता बढि बाँकी हुँदा विराजले यो बीचमा फिल्ममा समावेश हुने एक गीत छायाँकन गरेका छन् । मंगलबार राजधानीमा खिचिएको गीतमा विराज र नीकिता रोमान्टिक देखीन्छन् । प्राप्त तश्विर यसै बोल्छन् ।
अञ्जु पन्त र निशान भट्टराईले स्वर दिएको गीतको भिडियो छायाँकन हुँदा विराज र नीकितालाई रोमान्टिक अबतारमा नृत्य गराएका छन् कोरियोग्राफर रामजी लामिछानेले । यसअघि सार्वजनिक ‘चरीले काफल’ बोलको गीतमा परम्परागत पहिरनमा देखिएका विराज र नीकिता यो पटक केहि मोडर्न पहिरनमा देखिनेछन् । गीत कस्तो तयार हुनेछ र रोमान्टिक बन्दा विराज नीकिता केमेष्ट्रि कस्तो देखिनेछ त्यो रिलिजपछि थाहा हुनेछ ।
माघ २४ मा प्रदर्शनमा आउने फिल्ममा विराज र नीकितासँगै प्रकाश शाह, जयनन्द लामा, कामेश्वर चौरसिया, आरपी पन्त, लय संग्रौला, अमित गिरी, शिशिर भण्डारी, रमेश सोडारी, भिष्म जोशी लगायतका कलाकारको अभिनय छ । शिवम अधिकारीको लेखन रहेको फिल्ममा श्री श्रेष्ठको द्वन्द्व छ भने मानकृष्ण महर्जनको छायांकन रहँदा अर्जुन जिसीले सम्पादनको जिम्मा सम्हालेका छन् ।
तश्विरः ज्ञानु राई
