अनुपको ‘कमाण्डर’ अबतारः माघ १० मा रिलिज पक्का

पछिल्लो दुई महिनायता नेपाली हलहरुमा स्वदेशी फिल्मको चहलपहल सम्म छैन । चिसो मौसमका कारण यो पटक धेरै फिल्मले मंसिर र पौष पहिनामा प्रदर्शन मिति तोक्न समेत आँट गरेनन् । तर पौष सकिँदै गर्दा माघमा रिलिज हुने फिल्मको चहलपहल भने सुरु भएको छ । यो क्रममा माघको पहिलो साता सकिँदै गर्दा फिल्म ‘कमाण्डर’ प्रदर्शनको लागी तयार छ ।

माघ १० लाई प्रदर्शन मिति तय गरेको ‘कमाण्डर’ फिल्म एक्सन जनरामा आधारित छ । अनुपबिक्रम शाही फिल्ममा लिड अभिनयमा छन् । उनको साथमा दर्शकले रोबिन तामाङ, प्रेम शर्मा, साधना शिलवाल, दिनेश केसी, कालु राना, यादव सिटौला, विमला पुरी सहितको एक्सनप्याक फिल्म हेर्न पाउनेछन् ।

एल.आर. विवेक सापकोटाको निर्माण निर्देशन रहेको फिल्ममा एक्सन श्री श्रेष्ठको छ । फिल्मको कथा पटकथा पनि निर्देशक सापकोटाले नै लेखेका छन् । मनोज चौलागाइँको संगीत समावेश हुँदा सम्पादन सुवास देवकोटा र छायांकन दिव्य सुवेदीको छ । पवित्रा आचार्यले कोरियोग्राफीको जिम्मा सम्हालेकी छिन् ।

ट्रेलर हेर्नुहोसः

https://youtu.be/Yfx5oWgTxu4