एक्सनले भरिपुर्ण लप्पन छप्पन २: टिजर रिलिज (भिडियो)

-अनुकूल अर्याल

मुकुन्द भट्ट द्वारा निर्देशित फिल्म ‘लप्पन छप्पन २’ को अफिसियल टिजर सार्वजनिक भएको छ । एक्सनले भरिपूर्ण टिजर १ मिनेट २३ सेकेण्ड लामो रहेको छ ।

एक्सन जनराको फिल्ममा शिव श्रेष्ठ, सौगात मल्ल, अर्पण थापा, अनुपबिक्रम शाही, गोबिन्द शाही, प्रकाश कुँवर, दीपक क्षेत्री, नविन मानन्धर, विशाल पहारी, किशोर भट्ट, सरिता गिरि, एञ्जल श्रेष्ठ, अनिल खनाल, राजेन्द्र विष्ट लगायतका कलाकारहरुको अभिनय रहेको छ ।

साथै यसै फिल्मबाट आना ढकाल, श्रृजना सिना, शक्ति श्रेष्ठ, केरालिन कोलिन्डा, सुपर गुरुङ, रन्जीत ओन्ता लगायतले अभिनयमा डेब्यु गर्दैछन् । फिल्मको पटकथा र संवाद निर्देशक भट्ट र सुनिल निउरेको रहेको छ भने पटकथामा अमित शर्माले समेत साथ दिएका छन् ।

पुरुषोत्तम प्रधानले खिचेको फिल्ममा शम्भुजित बाँस्कोटा, राजेन्द्र भट्ट, दीपक आरजे र बुलेट फ्लोको संगीत रहेको छ । फिल्ममा किङ योगी र दिलिप ओकेधाको कोरियोग्राफी रहेको छ । फिल्ममा हिमाल केसी र निर्देशक भट्टको द्वन्द, निरज केसीले साउण्ड र मिलन श्रेष्ठले सम्पादनको काम गरेका छन् ।

फिल्म निर्माणमा गोल्डेन हिल्स पिक्चर्ससँग इपी एजुकेशन अष्ट्रेलिया, युएमआइ ग्रुप युरोप र एमएसी मिडियाले सहकार्य गरेका छन् । सुरज अधिकारी र प्रजापति सिवाकोटीको कार्यकारी निर्माण रहेको फिल्ममा चिजकुमार श्रेष्ठ, प्रकाश कुँवर, निर्मलकुमार मिश्र, सुदिपचन्द्र भक्रेल र सन्तोषचन्द्र भक्रेल निर्माताको रुपमा रहेका छन् । फिल्म आगामी ‘बैशाख १२’ मा रिलिज हुनेछ ।

https://youtu.be/OvImPGQxnQQ