रुविनासँग हमालको छमछमी (फोटो फिचर)
महानायकको उपमा पाएका अभिनेता राजेश हमाल पछिल्लो समय फिल्ममा भन्दा बढि मेला महोत्सवहरुमा व्यस्त छन् । महंगो पारिश्रमिक लिएर हमाल विभिन्न मेला महोत्सवमा सहभागी हुने चर्चा चल्छ । देश विदेशका विभिन्न स्टेज कार्यक्रममा पुगिरहने हमाल पछिल्लो हप्ता नेपालगञ्ज पुगे ।
नेपालगञ्जमा आयोजित ‘दोस्रो प्रादेशिक औधोगिक, लघु, घरेलु कृषि तथा प्रविधि प्रदर्शनी, व्यापार एवं पर्यटन महोत्सव २०७६’ मा पुगेका हमालले हजारौं दर्शकमाझ आफ्नो नृत्य प्रस्तुत गरे, विभिन्न फिल्मका डायलग बोलेर मनोरञ्जन दिए ।
स्टेजमा हमालले मोडल नृत्याङ्गना रुबिना अधिकारीसँग कम्मर मर्काउँदा हजारौं दर्शकले हुटिङ र तालीले साथ दिए ‘वान्स मोर’ बोले । भिडियो मोडलिङ तथा स्टेज कार्यक्रममा व्यस्त मोडल रुबिना पनि महानायकसँग स्टेज सेयर गर्न पाउँदा मख्ख देखिन्थिन् । त्यसो त रुबिनाले यसअघि नै नेपालमा पछिल्लो पुस्ताका थुप्रै नाम चलेका कलाकार तथा पुराना स्टार अभिनेता दिलिप रायमाझीसम्मलाई स्टेजमा नाचेरै थकाइसकेकी छिन् ।
तश्विरमा हेर्नुहोस् महानायक राजेश हमाल र नृत्याङ्गना रुबिना अधिकारीको छमछमीः
