धुर्मुसको ‘सेन्टी भाइरस’ गीत, अञ्जलीदेखि सुन्तलीसम्मको ठूम्का (भिडियो)

धुर्मुस सुन्तलीको निर्माणमा बनेको फिल्म ‘सेन्टी भाइरस’को पहिलो गीत रिलिज गरिएको छ । सार्वजनिक ‘फनफनी’ बोलको गीतमा सिताराम कट्टेल उर्फ धुर्मुस, कुञ्जना घिमिरे ‘सुन्तली’सँगै लिड कलाकार रहेका दयाहाङ राई, बुद्धि तामाङ, विल्सनविक्रम राई, अञ्जली अधिकारी, राजाराम पौडेल, कमलमणी नेपाल लगायत फिचर्ड छन् ।

लोक फ्लेभरको कमेडी गीतमा शब्द डिपी खनालको छ भने स्वर मेलिना राई र कालिप्रसाद बाँस्कोटाको छ । शंकर थापाको शब्द रहेको गीतको भिडियोमा कोरियोग्राफी शंकर बिसीले गरेका छन् ।

डिण्डु लामा योल्मो निर्माता रहेको फिल्ममा रामबाबु गुरुङको निर्देशन छ । आगामी फागुन ९ गते रिलिज हुने फिल्मलाई शैलेन्द्र डी. कार्कीले खिचेका हुन् । फिल्मको कथा दीपक आचार्य र कुमार कट्टेलको हो ।

https://youtu.be/xv5_uD2A4YM