आमाप्रतिको सम्मान, प्रेम र रोदनः हेर्नुहोस् भावुक बनाउने ‘आमा’ ट्रेलर

दिपेन्द्र के खनाल निर्देशित फिल्म ‘आमा’को ट्रेलर रिलिज भएको छ । आमालाई भगवानको रुपमा परिचित गराएको फिल्मको ट्रेलरले नारी प्रतिको सामाजिक विभेद र सम्मानको कुरा बोलेको छ । मिथिला शर्मा र सुरक्षा पन्तले मुख्य भुमिका निभाएका छन् ।

शर्मिला पाण्डेको निर्माणमा बनेको फिल्ममा सरिता गिरी, देशभक्त खनाल, मनिष निरौला, लक्ष्मी भुषाल, टिका पहारी, पदमप्रसाद पौडेल, आशान्त शर्मा, सरोज अर्याल, अस्मिता खनाल, सुदीप खतिवडा, झकेन्द्र जिसी र विकास खनाल अभिनयमा छन् । दीर्घ खड्काको सम्पादन रहेको फिल्ममा निर्देशक खनालकै छायाँकन छ ।

आगामी फागुन ९ लाई प्रदर्शन मिति तय गरिएको फिल्म सामाजिक कथामा आधारित छ । यसअघि ‘पशुपतिप्रसाद’, ‘धनपति’ जस्ता फिल्म निर्देशन गरेका खनालको यो फिल्मलाई आशातित नजरमा हेरिएको छ ।

https://youtu.be/RRv_IJSQweM