धर्मेन्द्र सेवानले ल्याए ‘गुलाबको फूल’ (भिडियो)

गायक धर्मेन्द्र सेवानको नयाँ गीत सार्वजनिक भएको छ । बिहिबार आफ्नै युट्युब च्यानलबाट उनले ‘गुलाबको फूल’ बोलको गीत सार्वजनिक गरेका हुन् । सार्वजनिक उक्त गीतमा शब्द तथा संगीत पनि धर्मेन्द्र कै रहेको छ ।

आफूले प्रेमिल भावमा यस गीतलाई तयार गरेको धर्मेन्द्रले बताउँछन् । उनले भने, ‘यहाँ पुरुषले आफूलाई महिलाको श्रृगारसँग तुलना गरेर आफ्नो प्रेमलाई प्रष्फुटित गरेको छ ।’ आफूले एक्लै गितार बजाएर तयार गरेको गीतलाई दर्शक-श्रोताले रुचाउने भएका कारण सोही जनरमा यस गीतलाई तयार पारेको धर्मेन्द्रले बताए ।

गीतको भिडियोमा पनि धर्मेन्द्र आफैँ फिचर भएका छन् । भिडियोमा धर्मेन्द्रसँगै सोफिया घलेलाई पनि देखाइएको छ । भिडियोमा निर्देशन तथा छायांकन सुरज दार्लामीको छ ।

https://youtu.be/O97dn9f1LdQ