‘छ माया छपक्कै’ सफल प्रदर्शनको ५१ दिन पुरा, बर्षकै ठुलो कलेक्सन ?
गत असोज २४ बाट प्रदर्शनमा आएको फिल्म ‘छ माया छपक्कै’ले सफलताको ५१ औं दिन पुरा गरेको छ । फिल्म हाल राजधानीको बिएसआर, सिडिसी, गोपिकृष्ण, गुण अष्टनारायण, गंगा लगायतका हलहरुमा प्रदर्शनमा रहिरहेको निर्माता रोहित अधिकारीले बताएका छन् ।
दिपेन्द्र लामाको निर्देशनमा तयार भएको फिल्मले हालसम्म प्रदर्शनमा आएका बर्ष २०७६ का सबै फिल्मको भन्दा माथीको ग्रस कलेक्सन गरिसकेको निर्माण टिमले दाबी गर्दै आएको छ । १४ करोडमाथीको ग्रस कलेक्सन गर्न फिल्म सफल छ ।
दीपकराज गिरी, केदार घिमिरे, जितु नेपाल, केकी अधिकारी, सुपुष्पा भट्ट लगायत लिड अभिनयमा रहेको फिल्मले कमेडी जनरा बोल्छ । यसअघि ‘छक्का पञ्जा’ सिरिज लगातार हिट दिएको आमा सरस्वति मुभिज ब्यानरसँग रोहित अधिकारी फिल्मस् ले सहकार्य गर्दै यो फिल्म तयार गरेको थियो ।
‘गाजलु’बाट निर्माणमा हात हालेका रोहित लगातार दोश्रो पटक हिट फिल्म दिने निर्माता बनेका छन् । ‘छ माया छपक्कै’ यतिबेला अन्तर्राष्ट्रिय प्रदर्शनको क्रममा छ ।
