‘चपली हाइट ३’ रिलिज घोषणा, पर्दामा प्रदिप भर्सेज स्वस्तिमा !
यसै साता फ्लोरमा गएको फिल्म ‘चपली हाइट ३’ ले प्रदर्शन मिति घोषणा गरेको छ । निर्माता अर्जुनकुमारले फिल्म यो बर्षान्त अर्थात आगामी चैत्र २८ मा प्रदर्शनमा आउने पुष्टि गरेका छन् ।
यसअघि चैत्रलाई संभावित प्रदर्शन महिना तय गरेको फिल्म टिमले यकिन मिति भने घोषणा गरेको थिएन , निकेश खड्काको निर्देशनमा छायाँकनरत ‘चपली हाइट’ को तेश्रो सिरिजमा स्वस्तिमा खड्का, आमिर गौतम, सुपुष्पा भट्ट, नव अभिनेता महेश त्रिपाठी र प्रतिक श्रेष्ठ लिड अभिनयमा छन् ।
यसैृबीच उक्त मितिमा फिल्म आउँदै गर्दा ‘चपली हाइट ३’ ले ‘प्रेमगीत ३’ को सामना गर्नुपर्नेछ । प्रदिप खड्का स्टारर फिल्मको यसअघि नै नयाँ बर्ष २०७७ लक्षित मिति चैत्र २८ घोषणा भएसकेको छ । संयोग के परेको छ भने दुबै फिल्म आफ्नो आप्नो ब्राण्डका तेस्रो सिरिज छन् ।
