पर्दामा विराज भर्सेज विपिनः ‘साङ्लो’ अफिसियल रिलिज घोषणा

एक्सन स्टार बिराज भट्टको डेब्यू निर्देशन रहेको फिल्म ‘साङ्लो’को प्रदर्शन मिति तय भएको छ । शनिबार निर्माण टिमले फिल्ममा समावेश एक गीतको ‘थीम’ पोस्टर’ सार्वजनिक गर्दै प्रदर्शन मिति रिलिज गर्यो । फिल्म दर्सकमाझ आगामी माघ २४ मा प्रदर्शनमा आउनेछ ।

फिल्मको पहिलो चल प्रचार सामाग्री स्वरुप आउँदो बिहिबार गीत रिलिज हुनेछ । बिराज भट्ट नै लिड अभिनेता रहेको फिल्मबाट पुर्व मिस नेपाल निकिता चाण्डकले नेपाली रजतपटमा डेब्यू गर्दैछिन् । लामो समय नेपाली पर्दामा राज गरेका बिराजको कमब्याक फिल्म ‘जय परशुराम’ले बक्सअफिसमा कमाल गर्न सकेको थिएन । यो फिल्मले नेपाली फिल्ममा बोराजको भोलीको भविष्य तय गर्ने विश्लेषण फिल्म वृत्तमा छ ।

यसैबीच उक्त मितिमा ‘साङ्लो’ आउँदै गर्दा यसअघि नै मिति तोकिसकेको फिल्म ‘सेल्फी किङ’सँग भिडन्त पक्का भएको छ । विशाल सापकोटाको निर्देशन रहेको उक्त फिल्मले यसै साता माघ २४ लाई रिलिज ‘लक’ गरेको थियो । उक्त फिल्ममा विपिन कार्की लिड भूमिकामा छन् ।

https://youtu.be/axhgEynO6sg