धुर्मुस सुन्तलीको ‘सेन्टी भाइरस’ फर्स्टलुक सार्वजनिक, रिलिज मिति घोषणा
धुर्मुस सुन्तली उर्फ सिताराम कट्टेल र कुञ्जना घिमिरेको निर्माणमा तयार भएको पहिलो फिल्म ‘सेन्टी भाइरस’को फर्स्टलुक पोस्टर रिलिज भएको छ । पोस्टरमा धुर्मुस एक्लै देखिएका छन् । उनलाई भादगाउँले टोपीमा देख्न सकिन्छ ।
यो बीचमा पोस्टर रिलिजसँगै निर्माण टिमले प्रदर्शन मिति पनि तय गरेको छ । पोस्टरमा रिलिज मिति आगामी फागुन ९ लाई तोकिएको छ । रामबाबु गुरुङले फिल्मलाई निर्देशन गरेका छन् ।
सामाजिक कथावस्तुमा आधारित रहेर निर्माण भएको फिल्ममा सिताराम कट्टेलसँगै कुञ्जना घिमिरे, दयाहाङ राई, विल्सन विक्रम राई, वुद्दि तामाङ, कमलमणी नेपाल, राजाराम पौडेल, सुर्यमाला खनाल, बसन्त भट्ट र दीपक आचार्य लिड रोलमा छन् । शैलेन्द्र डि. कार्कीले फिल्म खिचेका हुन् ।
डिन्डु लामा निर्माता रहेको ‘सेन्टी भाइरस’मा निमेश श्रेष्ठको सम्पादन छ भने कुमार कट्टेल र दीपक आचार्यको लेखन छ ।
