नेपाल पहिले अमेरिकामा भुवन केसीको ‘मिस्टर नेपाली’
प्रेमराज दाहालको निर्माण तथा देव भुषालको निर्देशनमा तयार भएको फिल्म ‘मिस्टर नेपाली’ कात्तिकको २९ गतेबाट नेपालमा रिलिज हुँदैछ । ‘विदेशमा रहेर पनि मन त नेपाली नै हुन्छ’ भन्ने भाव बोकेको फिल्म नेपाल पहिले विदेशमा रिलिज पक्का भएको छ ।
फिल्म नेपाल प्रदर्शन अगावै अमेरिकामा प्रिमियर गर्ने तयारी गरिएको छ । निर्माणपक्षले दिएको जानकारी अनुसार नोभेम्बर १० र १२ मा फिल्मको प्रिमियर अमेरिकामा हुन लागेको निर्माण टिमले जानकारी दिएको छ ।
हस्टन टेक्सासमा रहेको २९४९ डनभेल रोडमा अमेरिकी समय अनुसार बिहान ११ बजे फिल्मको प्रिमियर हुन लागेको हो । यस्तै, यही मितिमा अमेरिकी समय अनुसार दिउँसो ३ बजे ८५०५ वाल्टर्न बीएलभीडीमा यो फिल्मको प्रिमियर हुनेछ ।
यस्तै, अमेरिकाको सान फ्रान्सिस्को क्यालिफोर्नियामा नोभेम्बर १२ मा फिल्मको प्रिमियर हुन लागेको हो । १११५ सोलानो एभेनी, अल्बानी सीए यूएसमा फिल्मको प्रिमियर हुनेछ । अमेरिकी समय अनुसार बेलुकी साढे ६ बजे प्रिमियर हुन लागेको हो ।
‘मिस्टर नेपाली’मा भूवन केसी, नायिका रीमा विश्वकर्माको साथमा नव कलाकारद्धय साहिल श्रेष्ठ र कुसुम राउत लिड रोलमा छन् ।
