१० करोडको बाटोमा ‘छ माया छपक्कै’ (बक्सअफिस)
गत असोज २४ बाट प्रदर्शनमा आएको फिल्म ‘छ माया छपक्कै’ले बक्सअफिसमा कमालको बिजनेसलाई निरन्तरता दिइरहेको छ । आक्रामक ओपनिङ गरेको फिल्मले ‘वर्ड अफ माउथ’ तथा समिक्षक सबैबाट सुखद समिक्षा भेद्टा हलमा दर्शक फ्लो राम्रो रह्यो ।
दिपेन्द्र लामा निर्देशित फिल्मले हालसम्म ९ करोड (ग्रस) बढिको बिजनेस गरिसकेको छ । चिसिँदो मौसमका कारण हलहरुमा बिहानी शोजमा अकुपेन्सी कम देखिएता पनि हरेक दिनजसो दिवा शोजबाट अकुपेन्सी ‘हाइ’ बनिरहेको छ । विशेषतः मल्टिप्लेक्समा फिल्मलाई पछ्याउने दर्शक संख्या उच्च छ ।
प्रदर्शनको ९ दिन पुग्दा ९ करोड कलेक्सन गरिसकेको फिल्मले दोश्रो हप्तान्तसम्म १० करोडको आंकडा पार गर्ने निर्माण टिमको विश्वास छ । यो बर्ष रिलिज भएका फिल्म मध्ये ‘कबड्डी कबड्डी कबड्डी’ले मात्रै यो आंकडा पार गरेको छ ।
रोहित अधिकारीको निर्माणमा बनेको फिल्ममा दीपकराज गिरी, केकी अधिकारी, जितु नेपाल, केदार घिमिरे, सुपुष्पा भट्ट, शिशिर बाङ्देल, प्रकाश घिमिरे लगायत लिड अभिनयमा छन् ।
