‘घामड शेरे’ गीत रिलिजः स्वस्तिमाको अघि निश्चलले रोजे साली !

निश्चल बस्नेत र स्वस्तिमा खड्का अभिनित फिल्म ‘घामड शेरे’ले दशैँलाई लक्षित गरेर ‘साली मन पर्यो’ बोलको पहिलो गीत सार्वजनिक गरेको छ । गीतमा निश्चल र स्वस्तिमाको रोमाञ्चक नृत्य समावेश छ । रियल लाइफका श्रीमान श्रीमतीलाई पहिलो पटक यो फिल्ममा जोडीको रुपमा देख्न पाइनेछ ।

सार्वजनिक गीतमा कालिप्रसाद बाँस्कोटाको शब्द तथा संगीत रहेको छ भने गायनमा उनलाई अस्मिता अधिकारीले साथ दिएकी छिन् । गीतमा प्रदीप लामाको कोरियोग्राफी रहेको छ भने छायाँकनमा शिवराम श्रेष्ठ छन् ।

हेमराज बिसी निर्देशित फिल्म कार्तिक ८ बाट प्रदर्शनमा आउँदैछ । फिल्ममा निश्चल र स्वस्तिमासँगै गौरी मल्ल, सुष्मा निरौला, बादल भट्ट, लोकेन्द्र लेखक, रोए, सरोज अर्याल अभिनयमा छन् । सुरेन्द्र पौडेलको सम्पादन छ ।

https://youtu.be/mdvJJMAjZlc