‘मिस्टर नेपाली’ को दशैं गीतः विदेशीको पीडा बोल्ने मर्मस्पर्शी शब्द

फिल्म ‘मिस्टर नेपाली’ले दशैं लक्षित गीतको लिरिकल भिडियो सार्वजनिक गरेको छ । भुवन केसी स्टारर फिल्मको सार्वजनिक गीतमा युवा विदेशिनु पर्दाको पीडाभाव बोल्ने मर्मस्पर्शी शब्दहरु समावेश छन् ।

कात्तिक २९ गतेलाई प्रदर्शन मिति तय गरिएको फिल्मको ‘हे मेरा परदेशी दाजु भाई’ बोलको गीतले विदेश गएका नेपालीहरुको कथा भनेको छ । गीतमा हेमन्त कान्छा रसाइलीको स्वर, देव भुषालको शब्द तथा सुवास भुषालको संगीत छ । यो फिल्म भित्र अभिनेता केसी दोहोरो भुमिकामा प्रस्तुत छन् ।

फिल्ममा भूवन केसीका अलावा सरोज खनाल, विष्णु सापकोटा, रीमा विश्वकर्मा, नन्दु श्रीवास्तवको साथमा नयाँ अनुहार साहिल श्रेष्ठ र कुसुम राउत मुख्य भूमिकामा छन् । देव भुषालको लेखन, पटकथा तथा निर्देशनमा तयार भएको फिल्ममा प्रेमराज दाहालको लगानी छ । फिल्मलाई निरज कँडेलले खिचेका हुन् ।

चलचित्र ‘मिस्टर नेपाली’मा नायक भूवन केसीलाई दोहोरो भूमिकामा देख्न पाइनेछ । विशेषगरि, परदेशमा रहेपनि मन त तेपाली नै हुन्छ भन्ने कथालाई यो चलचित्रले प्रस्तुत गरेको छ ।

https://youtu.be/49LELXn5UgY