कमेडी टुक्काले भरिपुर्ण ‘छ माया छपक्कै’ प्रचार गीत ‘बीच बीचमा’ रिलिज (भिडियो)

फिल्म ‘छ माया छपक्कै’ असोज २४ मा रिलिजको लागी तयार छ । यो बीचमा रिलिज मिति नजिकिँदै गर्दा प्रचार प्रसारलाई अघि बढाइरहेको फिल्मको निर्माण टिमले प्रचारात्मक गीत दर्शकमाझ ल्याएको छ । पछिल्लो तीजमा हिट बनेको ‘हामी पनि नाच्नुपर्छ बीच बीचमा’ बोलको गीतको संगीतलाई सापटी लिएर तयार गरिएको गीतमा दर्शकलाई फिल्म हेर्न आह्वान गरिएको छ , विभिन्न कमेडी टुक्का सहित रमाइलो बनाइएको छ ।

गायक दुर्गेश थापाको स्वर। संगीत रहेको गीतको भिडियोमा लिड कलाकार दीपकराज गिरी, केकी अधिकारी, जितु नेपाल, केदार घिमिरे, सुपुष्पा भट्टसँगै दीपाश्री निरौंला, सुमन गिरी र सुरज बम ठकुरी फिचर्ड छन् । गीतका शब्दहरु पनि दुर्गेसले नै लेखेका हुन् ।

शिव बिकले निर्देशन गरेको गीतको भिडियोलाई बिकास ज्ञावलीले सम्पादन गरेका छन् भने क्यामेरा नवराज उप्रेतीले चलाएका छन् । दिपेन्द्र लामाको निर्देशनमा बनेको फिल्मलाई रोहित अधिकारीले निर्माण गरेका हुन् ।

https://youtu.be/L61fK690XPw