‘छ माया छपक्कै’ ट्रेलर रिलिज (भिडियो)

फिल्म ‘छ माया छपक्कै’को ट्रेलर रिलिज भएको छ । शुक्रबारबाट सिनेमा हल र युट्युवमा एकसाथ ट्रेलर रिलिज गरियो । राजधानीमा एक कार्यक्रम गरेर निर्माण टिमले कमेडी, प्रेम र सस्पेन्स बोल्ने ट्रेलर दर्शकमाझ ल्याएको हो ।

ट्रेलरमा मुख्य सबैजसो कलाकार फिचर्ड छन् । अभिनेता दीपकराज गिरीले अभिनेत्री केकी अधिकारीको प्रेम प्राप्तिको लागी गरेको संघर्षको कथासँगै ग्रामिण भेगको दलगत द्वन्द्वको कथा ट्रेलरमा जोडिएको छ । दिपेन्द्र लामाले यो फिल्मलाई निर्देशन गरेका छन् ।

असोज २४ बाट प्रदर्शनमा आउने फिल्ममा दीपक र केकीसँगै केदार घिमिरे, जितु नेपाल, सुपुष्पा भट्ट, प्रकाश घिमिरे, रमा थपलिया, शिशिर बाङ्देल, अनुराग कुवंर, विष्णु सापकोटा, सविन बाँस्तोला लगायत लिड अभिनयमा छन् । दीपक र दीपाश्री निरौंलाको प्रस्तुति रहेको फिल्ममा निर्माता रोहित अधिकारी हुन् ।

https://youtu.be/KlnZQRg3nMM