‘रातो टिका निधारमा’ शिर्ष गीत रिलिज

दशैंमा प्रदर्शनमा आउने फिल्म ‘रातो टिका निधारमा’को शिर्ष गीत रिलिज भएको छ । गीतमा मुख्यतः लिड कलाकार अंकित शर्मा र साम्राज्ञी राज्यलक्ष्मी शाह फिचर्ड छन् । दुबै कलाकारलाई रोमान्टिक अबतारमा देख्न सकिन्छ ।

सदाबहार हिट गीत ‘रातो टिका निधारमा’ लाई नयाँ भर्सनमा मेलिना राई र प्रमोद खरेलले गाएका छन् । पुरानो गीतमा भने स्वर उमेश पाण्डे र रमाना श्रेष्ठले भरेका थिए । संगीत सम्भुजित बाँस्कोटाको छ । सहदेव ढुङ्गानाले यो गीतका शब्दहरु लेखेका हुन् । भिडियोमा कोरियोग्राफी बसन्त श्रेष्ठको छ ।

अशोक शर्माको निर्माण निर्देशनमा बनेको फिल्ममा बुद्धि तामाङ, नीता ढुङ्गाना, खुश्बु खड्का, लक्ष्मी गिरी, रविन्द्र झा, शिवहरी पौड्याल, बसुन्धरा भुषाल, जयनन्द लामा, अरुणा कार्की, कमला रेग्मी लगायत लिड अभिनयमा छन् । पुरुषोत्तम प्रधानले खिचेको फिल्मलाई मित्र डि. गुरुङले सम्पादन गरेका छन् । असोज १० बाट फिल्म प्रदर्शनमा आउनेछ ।

https://youtu.be/fF2uVCQEUdQ