फ्राइडे रिलिजः पर्दामा सन्निले कम्मर मर्काएको ‘पासवर्ड’
फ्राइडे रिलिज अन्तर्गत यो हप्ताको लागी फिल्म ‘पासवर्ड’ प्रदर्शनमा आएको छ । बलिउड अभिनेत्री आइटम गर्ल सन्नि लियोनीले कम्मर मर्काएकै कारण पनि चर्चामा आएको यो फिल्म मल्टिप्लेक्स र सिङगल स्कृनमा एकसाथ रिलिज भएको छ ।
त्यसो त बिहिबार आयोजित प्रिमियरमा सहभागी हुन नेपाल आएकी सन्निकै कारण सामाजिक सञ्जालदेखि मिडियाहरुमा पछिल्लो २४ घण्टा उनकै नामको चर्चा छ । यो चर्चा र हाइपको फाइदा फिल्मले उठाउन सक्छ या सक्दैन त्यो केहि दिनमा थाहा लाग्नेछ । ‘पासवर्ड’मा अनुपबिक्रम शाहि, बिक्रम जोशी, रविन्द्र झा, छुल्ठिम गुरुङ, मिसा लारा लगायत लिड अभिनयमा छन् ।
सम्राट बस्नेतको निर्देशनमा बनेको फिल्मको सम्पुर्णतः छायाँकन लण्डनमा गरिएको छ । फिल्ममा अर्जुन पोखरेलको संगीत छ । यो फिल्मलाई नेपाली फिल्म इतिहासकै सर्वाधिक महंगो दाबी निर्माण टिमले गर्दै आएको छ ।
