‘काले दाई’ ट्रेलरमा अन्तरजातिय प्रेमपीडा (भिडियो)

दशैंको छेकोमा आगामी असोज १७ बाट प्रदर्शनमा आउने फिल्म ‘काले दाई’को ट्रेलर सार्वजनिक भएको छ। ट्रेलरमा अन्तर जातिय प्रेममा परेका युवा युवतीको कहानी समेटिएको छ भने सैनिक जवानको प्रेमपीडा पनि व्यक्त छ । अनु पराजुली लिड अभिनेत्री छन् ।

शिव शर्माको निर्देशनमा बनेको फिल्मको ट्रेलरले प्रेम र समाजमा विद्धमान जातिय द्वन्द्वलाई चित्रण गरेको छ । फिल्ममा अनु पराजुलीसँगै शिशिर भण्डारी, सुरेन्द्र केसि, इन्द्र रामजाली, शारदा गिरी, उत्तम केसी, गीता अदिकारी लगायत लिड अभिनयमा छन् । पवन गौतमले फिल्म खिचेका हुन् ।

नौधारे फिल्म प्रोडक्सन र रामजाली प्रोडक्सनको ब्यानरमा निर्माण भएको ‘काले दाई’लाई सम्शेर गुरुङ र ईन्द्र रामजालीले निर्माण गरेका हुन् । कथा पनि इन्द्रको नै हो भने द्वन्द्व निर्देशन कुमार महर्जन र कोरियोग्राफीको जिम्मा रामजी लामिछानेले सम्हालेका छन् । तारा थापा ‘किम्भे’को सम्पादन छ ।

https://youtu.be/H6-XiL0XD9M